Ona sutining ta'mini o'zgartirish xususiyatiga ega mahsulot

Yarim stakan sabzi o‘zida quyidagilarni saqlaydi:

25 kaloriya
6 gramm uglevodlar
2 gramm tolalar
3 gramm shakar
0,5 gramm protein

Sabzi muhim vitamin va minerallarning ajoyib manbaidir. Yarim stakan miqdordagi sabzi sharbati sizga quyidagilarni berishi mumkin:

A vitaminining kunlik ehtiyojining 73%
K vitamini miqdorining 9%
Kaliy va tolaning 8%
S vitaminining 5%
Kalsiy va temirning 2% miqdori.

Ko‘p sabzi yesam bo‘y uzunlashaadi(mi)?!

Balandlik ko‘p jihatdan genetikaga bog‘liq bo‘lsa-da, to‘g‘ri o‘sish va rivojlanishni ta’minlash uchun rasionda yetarli miqdorda ozuqa moddalarini olish juda muhim.

Garchi siz maksimal balandlikka yetganingizdan keyin baland bo‘yli bo‘lolmasangiz-da, ba’zi ovqatlar sizning suyaklaringiz, bo‘g‘imlaringiz va tanangizni sog‘lom va baquvvat qilib, bo‘yingizni saqlab qolishda yordam beradi.

A vitaminiga boy bo‘lgan sabzi mahsuloti suyaklarning sog‘lig‘ini yaxshilaydi va bo‘yning o‘sishiga yordam beradi. Tarkibida ham eriydigan, ham erimaydigan tolalar bor, bu esa ovqat hazm qilish tizimini yaxshilaydi va yaxshi ichak bakteriyalarining ko‘payishiga yordam beradi.
Lekin ko‘p miqdorda sabzi iste’moli sog‘liq uchun xavfli. Shunday ekan bo‘yim novcha bo‘lsin deb ko‘p sabzi yeb sog‘lig‘ingizni xatarga qo‘ymang!

Qachonki, yaxshi ovqatlanish haqida salomatlik haqida gapirilsa, sabzavotlar odatda iste’mol qilish kerak bo‘lgan narsalar ro‘yxatida birinchi o‘rinda turadi. Sabzi sog‘liq uchun foydali bo‘lgan oddiy sabzavot bo‘lgani kabi, ko‘pchilik bilmaydigan ba’zi nojo‘ya ta’sirlari ham bor. Biz keltiradigan ma’lumotlar ichida siz bilmaganlaringiz ham bo‘lishi mumkin...

Allergik reaksiyalar

Ba’zilar sabziga yuqori sezuvchanlik bilan munosabatda bo‘lishadi va bunday odamlar orasida teri toshmasi, diareya, anafilaktik reaksiyalar paydo bo‘ladi. Bunday allergiya sabzi polenida mavjud bo‘lgan allergen tufayli yuzaga keladi.

Karotenemiya

Sabzi tarkibida ko‘p miqdordagi beta-karotin mavjud bo‘lib, u organizmda A vitaminiga aylanadi. Sabzini ko‘p iste’mol qilish qoningizda ko‘p miqdorda karotinga olib keladi, bu esa terining sarg‘ish rangini o‘zgartiradigan karotenemiyaga olib keladi.

Shakar tarkibi yuqori

Qandli diabetga chalinganlar sabzi iste’mol qilishdan saqlanishlari kerak, chunki uning tarkibida shakar ko‘p. Sabzi tarkibidagi shakar glyukozaga aylanadi va bu organizmdagi shakar miqdorini tezda oshiradi. Agar siz diabet bilan kasallangan bo‘lsangiz sabzi iste’molida bug‘langan sabzini oz miqdorda iste’mol qilish yaxshiroqdir.

Ko‘krak sutining ta’mini o‘zgartiradi

Emizganingizda, siz yutgan har bir narsa bolangizga yetib boradi. Emizikli onalar sabzi sharbatini ko‘p miqdorda iste’mol qilishdan bosh tortishlari kerak, chunki tadqiqotlar shuni ko‘rsatdiki, sabzi ona sutining ta’mini o‘zgartiradi.

Chaqaloqlar uchun xavfli

Ba’zi tadqiqotlar sabzi kichik bolalar uchun xavfli ekanligini isbotlaydi. Shuning uchun yosh bolalarga faqat kichik bo‘lak sabzi berish juda muhimdir. Ya’ni sabzi miqdorini ko‘paytirmaslik shart!

Keltirilgan ma’lumotlar asosida batafsil tashxis qo‘yib olish-maqsadga muvofiq emas. Sabzi iste’moli nojo‘ya ta’sirlarni keltirib chiqishi mumkin bo‘lgan holatlarni sezsangiz, albatta kechikmasdan shifokorga muroojat qiling! Salomat bo‘ling!